Live Updates /

Ahmetaj, inceneratorët dhe hetimi pasuror i Berishës, Dumani u përgjigjet gazetarëve për “çështjet e nxehta”

*Kreu i SPAK, Altin Dumani, ka komentuar në një takim informal me gazetarë çështjet më të rëndësishme hetimore të cilat po heton Prokuroria e Posaçme. *Për ish-zv.kryeministrin Arben Ahmetaj, Dumani tha se po ndiqen procedurat për ekstradimin e tij pa dhënë detaje mbi kërkesën e Ahmetajt për azil politik në Zvicër. *Për çështjen e privatizimit të ish-kompleksit "Partizani", Dumani tha se SPAK është në përfundim të hetimeve dhe se për Berishën është kryer një hetim pasuror. Nuk la pa përmendur edhe 21 janarin, duke thënë se po bashkëpunojnë me prokurorinë e Tiranës për hetimet. *Për dosjen e “Xibrakës”, kreu i SPAK sqaroi se nuk ka pasur një kallëzim nga ana e Gazment Bardhit ndaj Olsi Ramës, por pranoi se çështja po rihetohet.

Shkruar nga B.V

Çfarë do të gjeni në brendësi

*Kreu i SPAK, Altin Dumani, ka komentuar në një takim informal me gazetarë çështjet më të rëndësishme hetimore të cilat po heton Prokuroria e Posaçme. *Për ish-zv.kryeministrin Arben Ahmetaj, Dumani tha se po ndiqen procedurat për ekstradimin e tij pa dhënë detaje mbi kërkesën e Ahmetajt për azil politik në Zvicër. *Për çështjen e privatizimit të ish-kompleksit "Partizani", Dumani tha se SPAK është në përfundim të hetimeve dhe se për Berishën është kryer një hetim pasuror. Nuk la pa përmendur edhe 21 janarin, duke thënë se po bashkëpunojnë me prokurorinë e Tiranës për hetimet. *Për dosjen e “Xibrakës”, kreu i SPAK sqaroi se nuk ka pasur një kallëzim nga ana e Gazment Bardhit ndaj Olsi Ramës, por pranoi se çështja po rihetohet.

4 Postime
8 MUAJ ME PARE

Dosja “Xibraka”, a ka bërë Bardhi denoncim ndaj Olsi Ramës? Dumani sqaron dyshimet

Ahmetaj, inceneratorët dhe hetimi pasuror i Berishës, Dumani u
Dumani dhe Bardhi

Kreu i SPAK, Altin Dumani gjatë takimit të tij informal me gazetarët është pyetur edhe lidhur me dosjen “Xibraka” për të cilën kreu i grupit parlamentar të PD, Gazment Bardhi pretendon se ka bërë një kallëzim ndaj Olsi Ramës, vëllait të kryeministrin Edi Rama duke e akuzuar për lidhje me anëtarë të grupit kriminal të drogës.

Dumani sqaroi se ka nisur një hetim për këtë çështje të ripahur por theksoi se nga ana e Gazment Bardhit nuk ka pasur ndonjë kallëzim për Olsi Ramën, ndryshe nga sa pretendohet nga demokrati gjatë daljeve publike në media.

“Qartësisht nuk ka bërë kallëzim”, ka deklaruar ai ndër të tjera. Versus.al

8 MUAJ ME PARE

SPAK hetim pasuror për Sali Berishën, '21 janari' flet Dumani: Do zbatojmë vendimin e Gjykatës së Lartë!

Ahmetaj, inceneratorët dhe hetimi pasuror i Berishës, Dumani u
Foto montazh: Sali Berisha, Altin Dumani, pamje nga ngjarja e 21 janarit 2011

 Ditë më parë në bazë të një vendimi Gjykata e Lartë i kërkoi SPAK të hetojë çështjen e 21 janarit.

Kreu i SPAK, Altin Dumani i cili po zhvillon një takim me gazetarët është pyetur dhe për këtë çështje të rëndësishme.

Dunami ka deklaruar se do të zbatohet vendimi i Gjykatës duke ndjekur procedura normale.

Më tej kreu i SPAK ka nënvizuar se do të ketë nevojë për koordinim me prokurorinë e Tiranës.

Në lidhje me hetimet për aferën e privatizimit të ish-klubit ‘Partizani’, Dumani tha se janë bërë hetime pasurore për Sali Berishën

‘Janë bërë hetimet pasurore për Berishën.’- është shprehur Dumani për gazetarët.

Mbi dosjen për kompleksin “Partizani” Dumani tha se ajo do të dërgohet në gjykatë sapo të përfundojnë hetimet.

“Janë grumbulluar të gjitha provat dhe ajo qe dihet është që është çështje nën hetim”, u shpreh ai./Versus

 

8 MUAJ ME PARE

Skandali i mikrokredive, Dumani: Ka kërkesa të shumta por nuk hetojmë rastet e qytetarëve që janë mashtruar

Ahmetaj, inceneratorët dhe hetimi pasuror i Berishës, Dumani u
Altin Dumani

Në lidhje me disa 'dosje të nxehta' që po hetohen nga Prokuroria e Posaçme kreu i SPAK Altin Dumani ka pasur një komunikim jo zyrtar me gazetarët.

Kreu i SPAK, u pyet edhe për skandalin e mikrokredive, ku mijëra shqiptarë kanë mbetur viktimë.

I pyetur se sa kallëzime ka për këtë çështje ai tha:

“Ne kemi vetëm një çështje të regjistruar, por nuk hetojmë rastet e qytetareve që janë mashtruar. Kemi një hetim, për një objekt konkret. Nuk bëj komente. Realisht dhe ne na vjen keq që qytetarët përplasen në dyert tona dhe për personat që vijnë për çështje të ndryshme që nuk janë në kompetencën tonë. Shpreh keqardhjen për atë qe ndodhi përpara dyerve të SPAK. Ka kërkesa të shumta nga qytetarët, ligji na e ka përcaktuar qartë kompetencën tonë"

Pak ditë më parë 63 vjeçari Pal Trashaj kreu vetëvrasje në dyert SPAK duke pirë fotoksinë pasi kishte shkuar për të gjetur drejtësi për mashtrimin me mikrokreditë.

Përmes një reagimi të bërë publik në media, SPAK pranoi se Trashaj është paraqitur tek oficeri i informacionit dhe se kishte kërkuar takim me një nga hetuesit e BKH-së për një çështje e cila pas verifikimeve ka rezultuar se i ka kaluar për kompetencë një prokurorie të juridiksionit të përgjithshëm që në vitin 2022. 

Më pas, SPAK sqaroi se oficeri i informacionit i ka bërë me dije qytetarin të presë sa të njoftojë hetuesin e çështjes mbi kërkesën e tij.

“Pas disa orësh, jashtë ambjenteve të SPAK, janë parë shërbimet spitalore të urgjencës dhe aty është mësuar rreth veprimit të ndërmarrë nga z. Trashaj. Institucioni ynë ka bërë menjëherë verifikimet rreth këtij incidenti për të sqaruar çdo veprim të punonjësve të tij. Prokuroria e Posaçme, garanton se do t’i përgjigjet në kohë çdo qytetari me korrektësi dhe në zbatim të ligjit për çështje që janë në kompetencën e saj.” – u tha në reagimin e SPAK.

 

8 MUAJ ME PARE

"Presim ekstradimin e tij", Dumani për deklaratat e Ahmetajt ndaj Ramës në "Rai 3": Po vlerësohen!

Ahmetaj, inceneratorët dhe hetimi pasuror i Berishës, Dumani u

Kreu i Prokurorisë së Posaçme, Altin Dumani ka zhvilluar ditën e sotme një komunikim jo zyrtar me gazetarët ku ka folur për çështje të ndryshme hetimore që po heton SPAK-ut.

Duke folur për ish-zv.kryeministrin Arben Ahmetaj i cili prej më shumë se një viti është shpallur në kërkim, Dumani tha se është bërë kërkesa për ekstradimin e tij, por shtoi se është procedurë që zgjat.

“Që ditën që kemi bërë kërkesën për ekstradim jemi në pritje”, u shpreh ai, ndërsa nuk foli për kërkesën e Ahmetajt për azil politik në Zvicër.

Sa i takon deklaratave të Ahmetajt në dokumentarin e publikuar nga Rai 3, kreu i SPAK tha se po bëhet verifikimi i tyre ndërsa për inceneratorin e Tiranës nuk pranoi të zbulonte nëse çështja po hetohet si “grup kriminal”. Versus.al

Poll