Çfarë do të gjeni në brendësi
*Partia Demokratike do tw mbajw sot protestën e radhës në bulevardin para Kryeministrisë. *Ora 19:00 pritet të shënojë zyrtarisht nisjen e protestës, ndërsa Policia e Tiranës ka marrë masat për garantimin e sigurisë përgjatë 3 orëve për të cilat PD ka njoftuar se do ta zhvillojë tubimin. *Blutë e Tiranës janë kujdesur të bëjnë një thirrje të veçantë drejtuar organizatorëve të protestës, të cilëve u kanë kërkuar që të distancohen nga aktet që cenojnë rendin dhe sigurinë.
Protestë e PD në orën 19:00, masa të rrepta sigurie para Kryeministrisë, Skënder Hita mbërrin te Kryeministria
Në orën 19:00 pritet të zhvillohet protesta e paralajmëruar nga Partia Demokratike përpara Kryeministrisë.
Drejtori i Përgjithshëm i Policisë së Shtetit, Skënder Hita, ka mbërritur në godinë në kuadër të planit të masave për mbarëvajtjen e tubimit.
Në zonë janë vendosur forca të shumta policie, si dhe barriera metalike rreth Kryeministrisë. Po ashtu, në terren ndodhen një ambulancë dhe autobote uji, si pjesë e masave të sigurisë.
Në protestën e sotme pritet të ketë fjalime nga drejtues të PD, përfaqësues të forumit rinor, partive aleate dhe aktivistë, ndërsa podiumi do të vendoset përpara godinës së Kryeministrisë./Versus.al
'Shqipëria nuk hesht më', Berisha për protestën e sotme: Qytetarët ngrihen jo me dhunë, por me dinjitet!
Kreu i Partisë Demokratike, Sali Berisha, ka reaguar sërish në lidhje me protestën që pritet të mbahet sot në orën 19:00.
Në një postim në Facebook, Berisha thekson se qytetarët “ngrihen me dinjitet dhe jo me dhunë”, duke e cilësuar protestën si një reagim kundër korrupsionit dhe frikës.
“Sot në 19:00, qytetarët ngrihen. Jo me dhunë, por me dinjitet. Kundër korrupsionit, kundër frikës, kundër një regjimi që mbron vjedhjet e tyre me 83 mandatet e grabitura. Shqipëria nuk hesht më”, shkruan Berisha në reagimin e tij.
PD mban sot protestën e radhës, rikthehen fjalimet! Nga ora 15:00 bllokohen disa rrugë në Tiranë
Partia Demokratike mban sot protestën e radhës duke nisur nga ora 19:00. Këtë herë do të rikthehen fjalimeve pas dy protestave të cilat kanë qenë vetëm me marshime.
Berisha pritet që fillimisht të shkojë në selinë blu dhe më pas t’u bashkohet protestuesve përballë kryeministrisë ku edhe do të mbajë fjalim.
Policia ka marrë masat për mbarëvajtjen e protestës dhe duke nisur nga ora 15:00, rrugët rreth kryeministrisë do të jenë të bllokuara. Konkretisht aket në të cilat ndalohet qarkullimi i mjeteve janë:
-Bulevardi “Dëshmorët e Kombit”,
-Kryqëzimi afër Ministrisë së Brendshme deri te sheshi “Nënë Tereza”,
-Rruga “Ukraina e Lirë”,
-Rruga “Papa Gjon Pali II”,
-Rruga “Ismail Qemali”.
Nga ora 23:45 së enjtes është bllokuar lëvizja dhe penguar parkimi i automjeteve në bulevardin “Dëshmorët e Kombit”, nga “Ura e Dajtit” deri në rrugën “Ismail Qemali.” Versus.al
