Çfarë do të gjeni në brendësi
*Policia italiane ka gjetur sot në një zonë të pyllëzuar të Romës trupin e pajetë të studentes shqiptare Ilaria Sula, e cila ishte zhdukur prej 25 marsit. Trupi i 22 vjeçares u gjet brenda një valixheje të braktisur. *Autoritetet arrestuan të dashurin e saj filipinas i cili banonte në një lagje afrikane të Romës. Sipas mediave italiane, dyshohet se filipinasi e ka goditur disa herë me thikë shqiptaren duke e lënë të vdekur teksa ndodhej në banesën e tij. *Pas krimit të rëndë, ai ka marrë telefonin e 22 vjeçares dhe ka përdorur rrjetet e saj sociale. *Shqiptarja ishte studente e shkëlqyer në fushën e Statistikave në universitetin “La Sapienza”. Miqtë e saj të dhomës u përpoqën ta kontaktonin pas zhdukjes më 25 mars, por nuk morën asnjë lajm prej saj.
Masakra e studentes shqiptare në Itali/ Prindërit e filipinezit të përfshirë? Dalin detaje të reja
Trupi i Ilaria Sulës, studentes 22-vjeçare me origjinë shqiptare, e zhdukur që prej 25 marsit në zonën Furio Camillo të Romës, u gjet mëngjesin e sotëm në një valixhe të mbyllur të hedhur në një luginë.
Ish-i dashuri Mark Antony Samson, një student 23-vjeçar në Sapienza, nga një familje filipinase, por i lindur në Itali, rrëfeu se vrau Ilaria Sulan ndoshta në të njëjtën mbrëmje të zhdukjes së vajzës në shtëpinë e familjes së saj në Via Homs, lagjen afrikane.
Më pas e fshehu shpejt në një valixhe shumë të vogël për të mbajtur të gjithë trupin dhe e çoi 40 km larg, duke e hedhur thikën në një kazan. Ai e ka mbajtur telefonin e viktimës, duke fshirë rrjetet sociale të vajzës, por duke iu përgjigjur shkurt disa mesazheve.
Ndërkohë që po vlerësohet ende pozicioni i prindërve të tij. Si të afërm të drejtpërdrejtë të kriminelit të rrëfyer, ata nuk mund të akuzohen zyrtarisht për veprën penale të ndihmës, por nëse do të shfaqej një rol më aktiv, përfshirë fshehjen e trupit, pozita e tyre do të përkeqësohej.
Në orët në vijim ata do të merren në pyetje nga hetuesit, të cilët janë në pritje të rezultateve të autopsisë (e cila do të kryhet të enjten) për të zbardhur rrethanat e vdekjes së tyre. Tashmë në trupin e 22-vjeçarit janë gjetur disa plagë me thikë, njëra prej të cilave në qafë.
Vrasja e e Ilaria Sulës nga ish i dashuri i saj, reagon Universiteti i Sapienzas: Na la pa fjalë
Një ngjarje e rëndë ka tronditur Italinë mëngjesin e së mërkurës, kur shqiptarja Ilariua Sula, u gjend e vdekur brenda një valixheje dhe e hedhur në një zonë pyjore.
Policia menjëherë zbuloi se vrasja kishte ndodhur nga ish i dashur i i saj, i cili nuk kishte pranuar t’i jepte fund lidhjes me studenten 22-vjeçare dhe në debat e sipër e kishte goditur me thikë.
Universiteti i Sapienzas, aty ku studionte Ilaria, ka reaguar me anë të një postimi në rrjet, ku shkruan se i shpreh ngushëllim familjarëve dhe të dashurve të 22-vjeçares dhe se janë zemërthyer nga "ky akt mizor dhe brutal".
“Fatkeqësisht, Ilaria u gjet pa jetë. Një akt mizor dhe brutal i femicidit, që na lë pa fjalë dhe zemërthyer. Në këtë moment pikëllimi, mblidhemi rreth familjes së studentes sonë, njerëzve të saj të dashur dhe gjithë komunitetit studentor Sapienza, të cilët ditët e fundit janë bashkuar dhe të dëshpëruar”.
Vr*u studenten shqiptare, rrëfehet 23 vjeçari: E qëllova me thikë, e futa në valixhe dhe i hodha telefonin!
23 vjeçari nga Filipina Mark Samson e ka pranuar autorësinë e vrasjes së studentës shqiptare Ilaria Sula.
Ai është rrëfyer para togave të zeza duke thënë se ka goditur për vdekje ish-të dashurën me thikë dhe më pas e ka mbyllur trupin e saj brenda një valixhe të cilën e ka lënë në një zonë të pyllëzuar në provincën e Romës.
"E hodha telefonin e saj në një pusetë në Romë dhe e ngarkova trupin e saj në makinë duke e çuar në Poli".
Tabulatet telefonike të viktimës kanë çuar policinë drejt 23-vjeçarit, i cili në ditët e zhdukjes së saj dyshohet se përdori celularin e së resë për të bërë postime në rrjetet sociale të Ilaria-s.
Më pas ka qenë ai që ka dërguar policinë në vendin ku ka hedhur trupin e ish të dashurës së tij.
Ndërkohë ka folur edhe vëllai i viktimës, i cili ka deklaruar se e motra ka qenë në një lidhje me të riun por ishin ndarë.
“E pashë motrën time për herë të fundit të dielën më 23 mars kur ajo erdhi në Terni. Ajo ishte e qetë dhe nuk më tregoi për asnjë problem. Kjo ishte hera e fundit që jam i sigurt që fola me motrën time. Nuk jam i sigurt nëse ajo i ka shkruar mesazhet që kam marrë pas asaj dite”, deklaroi Leoni, vëllai 20-vjeçar i Ilaria Sulës.
Ndërsa shtoi: “E njoh, ata ishin bashkë për rreth 1 vit, por u ndanë. Pyesim veten pse e bëri këtë. Vetëm ai mund ta dijë.”/Versus.al
“Menjëherë e kuptova që diçka nuk shkonte”, nëna e shqiptares së vrarë në Itali: Komunikonim me videocall dhe nuk dërgonte mesazhe
Ish-i dashuri i studentës shqiptare Marc Samson ka pranuar vrasjen e Ilaria Sula e cila u gjet e vrarë brenda një valixheje në një pyll në Romë.
Hetuesit italian kanë arritur të zbulojnë se telefoni se në ditët pas zhdukjes së vajzës, 23-vjeçari filipinas kishte vazhduar të përdorte telefonin e saj dhe bënte postime nga profilet e Ilarias në mediat sociale.
“Menjëherë e kuptova që diçka nuk shkonte”, deklaroi nëna e viktimës, Gëzime Sula, e cila ka vajtur menjëherë për në Romë së bashku me të shoqin dhe djalin pasi mori vesh lajmin për gjetjen e trupit të 22-vjeçares.
Ndërsa shtoi: “Komunikonim me videocall dhe nuk dërgonte mesazhe. Më pas fola me miqtë e saj që jetonin me të dhe së bashku me bashkëshortin vendosëm të denoncojmë menjëherë zhdukjen e saj. Hetimet çuan menjëherë te djali me të cilin Ilaria ka pasur një lidhjenë të kaluarën, por ne dimë pak për të”.
Samson jetonte me prindërit në një lagje afrikane të Romës. Dyshohet se vrasja e shqiptares u bë brenda apartamentit të tij. Në komisariat janë marrë në pyetje edhe prindërit e tij të cilët kanë deklaruar se nuk ishin në dijeni të krimit që kishte kryer djali i tyre. Ata jetonin prej vitesh në Itali. /Versus.al
FOTO/ Filipinezi pranon vr*sjen e studentes shqiptare! Postonte në rrjete sociale pas krimit! Flasin fqinjët e të riut
Filipinezi Marc Samson ka pranuar se ka kryer vrasjen e studentes 22 vjeçare shqiptare Ilaria Sula e cila u gjet e vrarë brenda një valixheje në një pyll të Romës.
Samson kishte pasur një lidhje me shqiptaren. Pas krimit të rëndë ai mori telefonin e shqiptares ku postonte foto e video në rrjete sociale. Samson rezulton të jetë i diplomuar në arkitekturë, ndërsa aktualisht punonte si kamarier në McDonald.
Ai jetonte me prindërit e tij në një lagje afrikane të Romës. Dyshohet se vrasja e shqiptares u bë brenda apartamentit të tij. Në komisariat janë marrë në pyetje edhe prindërit e tij të cilët kanë deklaruar se nuk ishin në dijeni të krimit që kishte kryer djali i tyre. Ata jetonin prej vitesh në Itali.
‘Mark ishte një djalë shumë i mirë’ thotë një mik i familjes, gjithashtu filipinas, teksa kalonte para apartamentit të sekuestruar nga policia. ‘Ai sapo ishte diplomuar për arkitekturë, prindërit e tij janë njerëz shumë të mirë’.
Profili i tij në rrjete sociale tregon jetë e të riut në lagjen ku ai jetonte. ‘ Nëna e tij kishte bërë një operacion në zemrë disa kohë më parë’ thotë një banoret e lagjes ku jetonte i riu. ‘Nuk mund ta besoj që ka ndodhur diçka e tillë. Ndonjëherë prindërit janë në rrëzik për fëmjët e tyre.’Versus.al
Vrasja makabër e studentes shqiptare në Itali, ish- i dashuri filipinez e goditi me thikë në banesën e tij
Policia italiane ka arrestuar ish-të dashurin filipinez të studentes shqiptare Ilaria Sula e cila u gjet e vrarë me thikë mëngjesin e sotëm dhe e hedhur brenda një valixheje në një zonë të pyllëzuar.
Filipinezi dyshohet se e ka qëlluar disa herë me thikë 22 vjeçaren shqiptare brenda apartamentit të tij në një lagje afrikane. Pas krimit të rëndë, filipinezi mori celularin e shqiptares dhe postonte në rrjetet e saj sociale.
Trupi i pajetë i shqiptares u gjet sot, 8 ditë pasi ishte zhdukur duke humbur kontaktet me miqtë e saj të cilët nuk kishin marrë përgjigjie pavarësisht mesazheve që i kishin dëguar në rrjete sociale. Versus.al
Ishte zhdukur prej 8 ditësh, gjendet e vrarë studentja shqiptare në Itali! Trupi i saj i futur në një valixhe
Itali- Mëngjesin e sotëm është gjetur i pajetë trupi i studentes shqiptare Ilaria Sula, e cila ishte zhdukur prej 25 marsit nga shtëpia e saj në Furio Camillo të Romës.
Trupi i 22 vjeçares u gjet brenda një valixheje në një zonë të pyllëzuar pranë komunës së Polit.
Hetimet janë përqendruar mbi një konflikt të mundshëm me të dashurin e saj filipinas. Sula kishte dalë në mbrëmje në orën 21:00 pa u përshëndetur me shokët e dhomës të cilëve nuk u kishte kthyer përgjigjie as në whatsapp.
Mediat italiane raportuan se e reja u largua me të dashurin filipinas, i cili po merret në pyetje nga autoritetet vendase. Policia ka shkuar në banesën e filipinasit në një lagje afrikane ku po kryen kontrolle për të gjetur ndonjë provë rreth ngjarjes tronditëse.
Shqiptarja studionte për Statistikë në universitetin “La Sapienza”. Versus.al
