Elon Musk doli në mbrojtje të bashkëthemeluesit dhe CEO të Telegram, Pavel Durov pas arrestimit të tij në Paris të shtunën dhe kritikoi miliarderin e mediave sociale Mark Zuckerberg për nënshtrimin ndaj “presionit të censurës”.
Musk reagoi në rrjetin X vetëm pak orë pasi miliarderi rus u arrestua në aeroportin Le Bourget, pasi akuzohet se ai ka lejuar që aktiviteti kriminal të lulëzojë në aplikacionin e tij të koduar të mesazheve.
Nëse dënohet për këto akuza, manjati i teknologjisë përballet me 20 vjet burg.
Autoritetet franceze lëshuan një urdhër kërkimi si pjesë e një hetimi paraprak për Durov, por ishin në gjendje të vepronin sipas urdhër-arrestit vetëm nëse 39-vjeçari ishte në tokën franceze.
Musk, i cili tha se bleu rrjetin X për të çuar më tej lirinë e fjalës, kritikoi arrestimin e sipërmarrësit të teknologjisë në një postim, duke shkruar "#FreePavel" ndërsa shpërndau edhe një pjesë ku Durov lavdëronte X për inovacionin dhe fjalën e lirë.
Në një postim të mëvonshëm Musk goditi liderin e mediave sociale Mark Zuckerberg, duke pyetur se pse CEO i Meta nuk është arrestuar për akuza të ngjashme si ato me të cilat përballet Pavel.
Musk shkroi:
“Sepse ai tashmë është nënshtruar në presionin e censurës. Instagram ka një problem masiv të shfrytëzimit të fëmijëve, por nuk ka arrestim për Zuck, pasi ai censuron fjalën e lirë dhe u jep qeverive akses në të dhënat e përdoruesve”.
Duke shtuar deklaratën e Musk, CEO i Rumble Chris Pavlovski tha se qeveria franceze gjithashtu “ka kërcënuar Rumble, dhe tani ata kanë kaluar vijën e kuqe duke arrestuar CEO të Telegram, Pavel Durov, që thuhet se nuk ka censuruar lirinë e fjalës”.
“Është jetike për mbështetjen e fjalës së lirë që ju t’u përcillni postimet njerëzve që njihni, veçanërisht në vendet me censurë,” shtoi Musk në një postim tjetër./ Versus.al
