Ashtu siç parashikohej para ndeshjes, Real Madrid ka mposhtur Borusian e Dortmhndit në finalen e Champions League duke e fituar kështu trofeun për të 15-ën herë.
Ndeshja nisi me ritëm të lartë nga të dyja skuadrat por gjermanët ishin më të rrezikshëm me Fullkrug i cili goditi shtyllën në minutën e 23-të dhe Adeyemi bë minutën e 27-të gjuajtja e të cilit u kthye mbrapsht nga Courtois dhe Fullkrug nuk arriti të përfitonte.
Në pjesën e dytë "galaktikët" shfaqën një fytyrë tjetër duke rritur presionin deri në shënimin e golit nga ana e Carvajal në minutën 73 për t'u pasuar nga Vinicius Jr në minutën 84 i cili duke shfrytëzuar më së miri një gabim të mbrojtjes, dërgoi topin në rrjetë duke vulosur kështu fitoren.
Kjo ishte lamtumira më e mirë për mesfushorin Toni Kross i cili luajti sonte ndeshjen e tij të fundit me Real Madrid. "Los Blancos" janë pa diskutim mbretërit e kompeticionit me një diferencë të madhe nga skuadrat e tjera. Versus.al
