Huliganët serbë, 'ultrasit' me reputacionin më të frikshëm në Evropë
'Ultrasit' e Yllit të Kuq, janë një “ushtri” kriminale e superfansave serbë me një nga reputacionet më të frikshme në Evropë. Ata e quajnë veten Delije, ose 'djem të fortë', megjithëse nuk është thjesht forca ajo për të cilën ata njihen.
Përveç dhunës e thyerjes së kokave për ndeshjet futbollit, Delije janë të specializuar në luftën mes bandave, dhunë politike, krim të organizuar dhe shantazh.
Delije vlerësohet të jetë 10,000, duke përfshirë 3,000 apo më shumë ultras. Thuhet se treqind e më shumë janë të lidhura me krimin e organizuar.
Ata janë mbështetësit fanatikë të Yllit të Kuq të Beogradit, kampionëve të Superligës serbe.
Pas kangjellave të klubit të tyre gjendet një tank T-54 i prodhuar nga Rusia, tani i çaktivizuar, por që mendohet se është përdorur nga serbët gjatë shpërbërjes së përgjakshme të Jugosllavisë në vitet 1990. Klubi e vendosi atë atje në 2019, duke thënë se ushtria e tij e tifozëve do të ishte 'më e fortë me një automjet luftarak'.
Mbështetësit britanikë të futbollit kanë hasur në Delije më parë, veçanërisht vitin e kaluar kur mbështetësit e Manchester City në Beograd u sulmuan nga 30 huliganë të Yllit të Kuq të armatosur me hunj druri.
