Gazetarja Aulona Musta ka pasur një reagim të ashpër sa i takon sjelljes së Gjestit në raport me Eglin në shtëpinë e Big Brother VIP4.
Nëpërmjet një postimi të bërë në Instagram, ajo ka folur mbi sjelljen e këngëtarit dhe Eglit, të cilët patën një javë aspak të qetë me debate të ashpra dhe më pas pajtime me njëri-tjetrin.
Aulona e nis analizën e saj duke përshkruar qëllimet e Gjestit në BBVA, duke nënvizuar se ai nuk ka hyrë për të gjetur dashurinë, por për famë dhe karrierë:
“Gjesti është 24 vjeç...është tralala zura një galë. Para 7 muajsh është ndarë nga dashuria e jetës së tij që s'do ta harrojë kurrë (siç tha), para 3 muajsh u lidh me një tjetër vajzë dhe pati një raport shumë intensiv... Gjesti siç e tha dhe vetë do famën, karrierën, do të bëjë hite, të ketë sa më shumë koncerte, nuk ka hyrë Gjesti në Big Brother që të gjejë dashurinë e jetës, as që të bëhet baba kur të dali dhe as të krijojë përrallën e bukur ata u njohën në Big Brother dhe jetuan të lumtur përgjithmonë. Max që do Gjesti nga një femër në Bb është dikë që t'i lajë rrobat, ta argëtojë kur ai është i mërzitur apo s'është në terezi, të kapi ndonjë fërkim me këmbë poshtë batanijes se helbete 4 muaj i mbyllur dhe të vazhdojë jetën pa drama reale, të vetmet drama që i duhen janë ato në lojë. Gjinia femërore Gjestiti shërben vetëm për Bb. Kur të dali nga shtëpia ai e di që do t'i vijnë koncertet, lekët e bashkë me to edhe gocat. Pas një lidhje 5 vjeçare që në moshë 19 vjeçare, pas 4 muaj që me sh mundësi do bëhen 5 dhe 6 në izolim, gjëja e fundit që do Gjesti është një “nuse”. Prandaj dhe nuk i jep më shumë Eglit, pavarsisht se ndonjë tërheqje mund të ndjejë, por i ka të qarta synimet dhe një histori dashurie me fund të lumtur pas Big Brother nuk është një ndër”- shprehet ajo. Versus.al
