Një prej çifteve më të komentuar të showbizz-it, futbollisti i Borusia të Dortmundit Karim Adeyemi dhe kengëtarja nga Kosova Loredana, kanë surprizuar të gjithë ndjekësit e tyre dhe jo vetëm me një lajm të mrekullueshëm që kanë ndarë në rrjete sociale.
Tashmë ata janë burrë e grua!
Kjo surprizë kaq e bukur u zbulua pasditen e sotme nëpërmjet një postimi të bërë në rrjetin social të “Instagram”-it.
Çifti ka ndarë vetëm një portret nga martesa, teksa duken tepër të lumtur me unazat në gishtat e tyre, ndërsa të gjithë janë sy e vesh në pritje të pamjeve apo lajmeve të reja prej dyshes.
“02.10.2024. Përgjithmonë”, kanë shkruar shkurt në postimin në rrjetet sociale.
Loredana ka një vajzë të lindur nga historia e saj e dashurisë me Mozzik, një romancë që nuk përfundoi mirë, pavarësisht Hanës, vajzës së tyre.
