MAGAZINË /

Sulmuesi tradhton City-n, kërkon të transferohet tek “rivalët e përjetshëm”

Shkruar nga Versus

Sulmuesi tradhton City-n, kërkon të transferohet tek

Raheem Sterling tek Manchester United është një lëvizje që me shumë gjasa do të realizohet. Ky ishte lajmi kryesor i të përditshmes sportive “Daily Mail”, e cila flet për lëvizjet e fundit që mund të ndodhin këto ditë të fundit të merkatos në Angli.

Sterling ka luajtur për 7 vite tek Manchester City, por për shkak se ai nuk është pjesë e projektit të ri të Çelsit të Enzo Mareskës, nuk do të mendohej dy herë për t’i thënë “Po” transferimit tek rivali i qytetit, “Djajtë e kuq” të Manchester United.

Chelsea i ka kërkuar Sterling që të gjejë sa më shpejtë destinacionin e ri, në mënyrë që të përfshihet në tratativa me United për Jadon Sanchon. Dhe pikërisht fakti që “Blutë e Londrës” dëshirojnë Sanchon, mund të bëjë që të përfshijnë në tratativa edhe Sterling për të arritur një shkëmbim mes dy futbollistëve. Palët e përfshira në këtë tratativë duket se kanë dhënë të gjithë “Ok”, ndaj nëse çdo gjë finalizohet me sukses, Sterling do të luante për United, duke “tradhëtuar” kështu ish skuadrën e tij Cityn, tifozët e së cilës me siguri nuk do të mund t’ia falin atij këtë gjë.

Sulmuesi 29 vjeçar ka fituar me “Qytetarët” 4 herë kampionatin, një FA Cup dhe 5 kupa të ligës. Versus.al

Poll