Policia gjermane ka qëlluar për vdekje një person, pasi kishte përhapur sulm me armë zjarri në zonën e Qendrës së Dokumentacionit Nazist në qendër të Mynihut.
Sipas policisë, në orën 09:00 të ditës së sotme një person me armë kishte mbërritur para Qendrës së Dokumentacionit Nazist dhe ka qëlluar efektivët e policisë që bënin roje para godinës.
Policia iu përgjigj zjarrit dhe e plagosi rëndë sulmuesin, i cili më vonë ndërroi jetë nga plagët e marra.
Një operacion i madh policor u zhvillua në kohë rekord, pasi ndërtesa fqinje strehon Konsullatën e Përgjithshme të Izraelit, e cila gjithashtu është në mbrojtje.
Sipas mediave gjermane, në shkëmbimin e zjarrit kanë marrë pjesë fillimisht pesë punonjës policie, ndërsa identiteti i autorit mbetet i panjohur.
Policia beson se ai ka vepruar i vetëm dhe nuk është në kërkim të bashkëpunëtorëve. Megjithatë operacioni i policisë vijon me ndihmën e një helikopteri.
Ngjarja përkon në një datë veçanërisht të ndjeshme, në përvjetorin e zi të sulmit në Lojërat Olimpike të Mynihut në vitin 1972.
Gjatë ngjarjes tragjike, terroristët palestinezë morën peng njëmbëdhjetë atletë izraelitë dhe përfundimisht i vranë, duke shënuar një nga momentet më të errëta në histori të Lojërave Olimpike.
Schüsse vor dem israelischen Generalkonsulat in München. Das NS-Dokuzentrum ist direkt nebenan. pic.twitter.com/k1r819o9Rj
— Ronen Steinke (@RonenSteinke) September 5, 2024
/ Versus.al
