Ashtu siç kishte paralajmëruar 4 ditë më parë, Lulzim Basha vijon betejën ligjore për vulën e Partisë Demokratike. Basha mësohet se ka dorëzuar sot rekursin në Gjykatën e Lartë.
Në rekursin e Bashës, kërkohet zhbërja e vendimit të Agron Zhukrit që i dha vulën Berishës, si edhe zhbërja e vendimit të Apelit.
Gjykata e Apelit nuk e ka konsideruar as palë dhe as të legjitimuar Bashën apo përfaqësuesin e grupimit të tij Enkelejd Alibeaj i cili ankimoi me një autorizim të pavlefshëm sipas gjykatës ndryshimet statuore të grupit të rithemelimit
Gjykata e Apelit i kujton Lulzim Bashës dorëheqjen dhe me këtë akt mbarimin e çdo kompetence në parti. Me deklaratën publike për dorëheqje të Lulzim Bashës që ishte paraprirë në fakt nga shkarkimi që i bëri kuvendi i jashtëzakonshëm i 11 dhejtorit 2021 , autorizimi i mëparshëm ndaj Enkelejd Alibeaj datë 15 shtator 2021 konsiderohet pa asnjë fuqi mbasi vlefshmëria e këtij dokumenti kishte mbaruar me humbjen e kompetencave të Bashës. Që do të thotë me këtë autorizim të pavlerë përmes të cilit Alibeaj u ankua në gjykatë ndaj rithemelimit të Berishës në 25 mars 2023 , realisht ai nuk kishte tagra.
