Jurgen Klopp ka dhënë reagimin e tij të parë pas emërimit në krye të kombëtares së Gjermanisë, duke e cilësuar këtë si një detyrë të veçantë dhe një moment shumë të rëndësishëm në karrierën e tij.
Trajneri gjerman theksoi se kombëtarja ka fuqinë të bashkojë popullin gjerman si pothuajse asgjë tjetër ndërsa premtoi të ndikojë në ndërtimin e një ekipi që shijon futbollin dhe ku lojtarët luftojnë për njëri-tjetrin.
“Ekipi kombëtar mund të na bashkojë ne gjermanëve si pothuajse asgjë tjetër. Pikërisht kjo e bën këtë detyrë kaq të veçantë për mua. Tani mezi pres këtë detyrë të veçantë në futbollin gjerman, të cilës do t'i qasemi së bashku me përulësi dhe durim: zhvillimin e një ekipi që lufton për njëri-tjetrin, që shijon futbollin dhe pas të cilit njerëzit e vendit tonë mund të bashkohen me bindje të plotë”, përfundoi trajneri gjerman.
Në fund të shtatorit dhe fillim të tetorit, Klopp dhe ekipi kombëtar do të luajnë katër ndeshje ndërkombëtare në një pushim të vetëm ndërkombëtar për herë të parë. Versus.al
