Greqi- Sot kryeministri grek, Kyriakos Mitsotakis ka takuar në zyrën e tij eurodeputetët që do përfaqësojnë partinë “Demokracia e Re” në Parlamentin Europian.
Çfarë ra në sy është fakti se Fredi Beleri, i cili është zgjedhur eurodeputet, pavarësisht se ndodhet në burgun e Fierit ku po vuan dënimin me 2 vite burg për blerje votash në zgjedhjet e Himarës, ka marrë pjesë në mbledhje nëpërmjet lidhjes skype.
Beleri u zgjodh anëtar i Parlamentit Europian duke u renditur i katërti mes të votuarve si kandidat në zgjedhjet e mbajtura në Greqi dhe u bë një prej 21 eurodeputetëve grekë në PE.
Nuk dihet sesi Beleri ka arritur të hynte me lidhje skype nga burgu i Fierit, kur nuk lejohen pajisjet elektronike, aq më pak lidhjet direkte nga qelia. Versus.al
