Mbrëmjen e djeshme, kryetari i Partisë Demokratike, Sali Berisha si zakonisht doli në ballkonin e banesës ku mbahet në arrest shtëpie për çështjen e privatizimit të ish-kompleksit Partizani dhe foli para mbështetësve të tij për vendimin e gjykatës së Apelit që i ktheu zyrtarisht vulën e PD.
Teksa Berisha u shprehte mirënjohjen gjyqtarëve për vendimin e kthimit të vulës së PD, dhëndri i tij Jamarbër Malltezi, gjithashtu në arrest shtëpie për privatizimin e ish-kompleksit Partizani, doli në ballkonin e katit ngjitur dhe fotografoi kryedemokratin Berisha teksa ky i fundit fliste para mbështetësve të tij.
Ndërkohë poshtë ballkonit të Berishës mbështetësit e tij u shprehën të gëzuar për vendimin e marrë nga Apeli për vulën e PD. Versus.al
