Dy ekipe shkencëtarësh kanë zbuluar një planet teorikisht të banueshëm, më të vogël se Toka , por më i madh se Venusi , që rrotullohet rreth një ylli të vogël rreth 40 vite dritë larg.
Ekzoplaneti, i quajtur Gliese 12b, rrotullohet rreth një ylli xhuxh të kuq të ftohtë që ndodhet në yjësinë e Peshqve dhe është rreth 27% e madhësisë së diellit tonë dhe 60% e temperaturës së tij, sipas dy studimeve të publikuara të enjten (23 maj) në The Astrophysical Journal Letters dhe Monthly.
Meqenëse ylli i tij është shumë më i vogël se dielli, Gliese 12b ende bie brenda zonës së banueshme - distanca ideale larg një ylli ku mund të ekzistojë uji edhe pse ai përfundon orbitën e tij çdo 12.8 ditë.
Duke punuar mbi supozimin se ekzoplaneti nuk ka atmosferë, shkencëtarët llogaritën temperaturën e sipërfaqes së tij e cila mund të jetë rreth 107 gradë Fahrenheit (42 gradë Celsius).
"Ne kemi gjetur planetin më të afërt, me madhësinë e Tokës, të vendosur deri më sot," tha Masayuki Kuzuhara, një asistent profesor projekti në Qendrën e Astrobiologjisë në Tokio dhe bashkëdrejtues i një prej ekipeve kërkimore me Akihiko Fukui.
“Ka vetëm një pjesë të vogël (ekzoplanetësh) që kemi gjetur që janë kandidatë të mirë për këtë. Dhe ky është zbulimi ynë më i afërt dhe është një zbulim mjaft i madh,” tha për CNN Larissa Palethorpe, një studente doktorature në Universitetin e Edinburgut dhe University College London, e cila bashkëdrejtoi studimin.
