Ish-deputeti i Partisë Socialiste, Arben Çuko është thirrur në Prokurorinë e Poasçme kundër Krimit dhe Korrupsionit të Organizuar (SPAK) si person që ka dijeni për ngjarjen e 21 janarit.
Pas daljes së tij ambientete e SPAK, ish-deputeti socialist u shpreh para gazetarëve se ishte thirrur në cilësinë e një personi që ishte në dijeni të ngjarjes duke shtuar se janë vranë katër persona dhe nuk mundet që kjo çështje të mbetet pa u zbardhur.
'Janë vrarë katër veta ju e dini shumë mirë. Janë katër veta të vrarë në Bulevard, që nuk mund të lihen kollaj në harresë.' u shpreh Çuko para gazetarëve.
Më 21 janar të 2011, në Bulevardin ‘Dëshmorët e Kombit’ 4 protestues u vranë Aleks Nika, Ziver Veizi, Hekuran Deda dhe Faik Myrtaj.
Pasi SPAK mori në dorë hetimet për zbardhjen e vrasjeve të cilat gjykata e Strasburgut i cilësoi si “vrasje shtetërore”, familjarët e Aleks Nikës dorëzuan në SPAK një audiopërgjim mes komandantit të Gardës, Ndrea Prendi dhe gardistëve të tjerë të cilëve dëgjohet t’u thotë që të hapin zjarr luftarak nëse dikush kalon telin me gjemba të vendosur para kryeministrisë.
Në përgjim dëgjohet të thuhet se urdhri ka ardhur nga lart. Për këtë SPAK po heton zinxhirin e lartë komandues në mënyrë që të zbardhet përgjegjësia mbi vrasjen e 4 protestuesve të pafajshëm./Versus.al
