Ish-drejtori i Policisë së Shtetit, Hysni Burgaj është paraqitur ditën e sotme në SPAK për t'u marrë në pyetje lidhur me dosjen e 21 janarit.
Burgaj u shpreh para gazetarëve se policia ka zbatuar ligjin dhe se ndaj protestuesve nuk është përdorur as armë dhe as dhunë ndaj protestuesve.
“Dhashë sqarime si person qe ka dijeni. Kam zbatuar ligjin. I kam zbatuar urdherarrestet. Është zbatuar ligji kaq mund të them. Asnjë urdhër nuk kemi pasur për të reaguar. Policia si asnjëherë tjetër në gjithë historinë e saj ka duruar dhunë ekstreme nuk ka përdorur as armë dhe as dhunë ndaj protestuesve.’ ka thënë ai për gazetarët pasi doli nga SPAK.
SPAK regjistroi hetimet për '21 janarin' ditën ku u vranë 4 protestues në bulevardin Dëshmorët e Kombit, pas zbardhjes së vendimit të Gjykatës së Lartë dhe asaj të të drejtave të njeriut me seli në Strasburg.
Sipas kësaj të fundit për vrasjet e 21 janarit nuk është zbardhur roli i zinxhirit komandues të gardës dhe vrasjet janë konsideruar krim shtetëror. Në vendim thuhet se prokuroria në atë kohë është penguar për të zbardhur ngjarjen./Versus.al
