Itali- Karabinierët në Romë sekuestruan dyqind kilogramë kokainë, që vlerësohet se i ka sjellë rreth 16 milionë euro sindikatës së krimit të organizuar të Romës. Ata e gjetën drogën brenda shtëpisë në Romë të një 23-vjeçari shqiptar, i cili u arrestua nga oficerët e Njësisë Hetimore të Romës.
Droga, e ndarë në 191 blloqe, me gjithsej 8,000 doza, u zbulua në shtëpinë e tij: një qendër e vërtetë logjistike për ruajtjen e narkotikëve, së bashku me një pistoletë, municione dhe afërsisht 30,000 euro në para të gatshme.
Fillimisht i riu u ndalua për një kontroll në makinë, në krostkotin e së cilës iu gjet një sasi droge dhe kontrollet në banesën e tij çuan në zbulimin e sasisë së madhe të kokainës me vlerë 16 milionë euro. Mediat italiane nuk kanë bërë me dije identitetin e 23 vjeçarit të arrestuar. Versus.al
