Ish-kreu i “Bandës së Lushnjës”, Aldo Bare ka kërkuar që ti ulet dënimi i tij me burgim të përjetshëm, por Gjykata e Lartë ka refuzuar kërkesën.
Uljen e dënimit, e kërkoi me argumentin se ka patur sjellje të mirë gjatë qëndrimit në qeli. Kërkesa nuk ishte marr në shqyrtim nga gjykatat e tjera, ndaj iu drejtua Gjykatës së Lartë me një kërkesë të dytë, duke u mbështetur në ligjin për të drejtat e personave të dënuar.
Gjykata e Lartë, që kishte shqyrtuar më parë çështjen e tij, vendosi të linte në fuqi dënimin me burgim të përjetshëm, vendim i cili i ishte konfirmuar në shtator të vitit 2022, dhjetë vjet pas vendimit të Apelit të vitit 2012. Gjykata Kushtetuese kishte urdhëruar rigjykimin e çështjes për shkak të shkeljeve procedurale.
Drejtuesi i bandës së Lushnjës u arrestua në Turqi në vitin 2006, u ekstradua nga Interpoli në Shqipëri në dhjetor të vitit 2009, duke mbërritur në Aeroportin “Nënë Tereza” nën një mbikëqyrje të rreptë nga forca të shumta policie.
