Gjithçka filloi në një landfill ilegal pranë portit të Antewrpen, Belgjikë ku gjatë kërkimit në mbeturina u zbuluan dhjetra pako me kokainë dhe efekte të ndryshme të përdorura për prerjen e drogës.
Hetimi i kryer nga policia e Antwerp-it zbuloi shpejt se pas këtyre landfilleve ilegale qëndronte një organizatë kriminale shqiptare.
Kjo organizatë merrej me importin dhe eksportin e kokainës dhe heroinës në vende të ndryshme të Europës, duke përdorur automjete të pajisura me dy funde.
Në total, 17 të dyshuar u arrestuan si rezultat i një operacioni të koordinuar më 4 qershor midis Belgjikës, Italisë, Holandës, Austrisë, Gjermanisë dhe Zvicrës.
Gjatë hetimeve, 2 nga pjestarët e organizatës ishin arrestuar në Holandë dhe Zvicër.
Në automjetet e pajisura me ndarje të fshehura u gjetën 36 mijë euro dhe 5 kilogramë kokainë dhe heroinë me foto të Tonny Montanës.
Nga hetimi rezultoi se organizata jo vetëm transportonte dhe shiste drogë, por bashkëpunonte edhe me një grup tjetër kriminal shqiptar për të grabitur transportin e drogës të klaneve rivale.
Kjo bandë e dhunshme kishte në dispozicion një arsenal mbresëlënës armësh zjarri dhe në të kaluarën ishte përfshirë në një atentat të një rivali në Shqipëri.
Organizata do të specializohej në prerjen e sasive të mëdha të lëndëve narkotike, nga disa kilogramë në qindra kilogramë dhe për këtë qëllim bliheshin në masë të madhe kimikatet, kryesisht acetoni.
Disa grupe të huaja kanë qenë në kontakt me këtë organizatë shqiptare, pasi pas prerjes, droga transportohej në vende të ndryshme të Evropës me automjete me ndarje të fshehura.
Hetimet e mëvonshme zbuluan se disa pjestarë të organizatës kishin lidhje familjare, të cilët thuhet se ishin të përfshirë në tregtinë me shumicë të kokainës.
Po ashtu flitet për një grabitje të armatosur të një ngarkese me 395 kg marijuanë në mes të shkurtit të kryer në Bruksel.
Krerët e kësaj bande kriminale ishin dënuar dhe më parë me të njejtën akuzë në Francë në vitin 2014 dhe ishin dënuar me 10 dhe 12 burg.
Hetimi u krye nga policia lokale belge e Antwerpen në bashkëpunim me policinë federale belge dhe forcat policore të Francës, Gjermanisë, Holandës, Zvicrës dhe për Italinë me Komandat Provinciale të Karabinierëve të Arezzo-s dhe Ravenës. Europol koordinoi aktivitetet ndërkombëtare.
