Iliria Sula mund të jetë përleshur me Mark Samson para se ky i fundit ta vriste. Këtë e tregon autopsia e kryer mbi trupin e studentes së universitetit të vrarë nga ish-i i dashuri i saj.
Sipas mjekëve, disa elementë tregojnë se viktima u përpoq të mbrohej nga agresori.
''Një hematomë e madhe, një plagë që i atribuohet një goditjeje të marrë në harkun e vetullës së majtë, si nga një grusht apo me ndonjë send (e para ka më shumë gjasa)... një goditje tjetër në sy, një në buzë me një lloj plage dhe gërvishtje të vogla në qafë, jo nga mbytja, por sikur një goditje me thikë, plus katër plagë në qafë, plus katër të tjera. Ajo gjithashtu kishte shenja në parakrahun e saj të djathtë dhe mbi të gjitha një gisht të thyer në dorën e majtë, në përputhje me një përpjekje për të mbrojtur veten.” thuhej në ekspertizë.
Nisur nga rezultater e ekspertizes, rrëfimi tronditës i Mark Samson dhënë prokurores dhe gjyqtares hetuese Antonella Minnuni, është rrëzuar.
Samson ka rrëfyer se e kreu vrasjen me kthjelltësi dhe ftohtësi. "E godita dy herë nga pas, me thikën që kishim përdorur për të prerë mortadelën. Ilaria nuk vuri re asgjë.’, ka rrëfyer ish i dashuri së studentës shqiptare.
"Ajo vdiq menjëherë"- Marrja në pyetje e Mark Samson nga hetusit ka zgjatur gjithsej 5 orë.
"Pra, ajo humbi jetën menjëherë?" pyetje të cilën Samsoni i përgjigjet: "Ajo vdiq menjëherë".
I pyetur sërish nga gjyqtarja hetuese: “Pas kësaj gjendesh me trupin e pajetë të Ilarisë në dhomën tënde në orën 11 të mëngjesit të datës 26 mars, çfarë bën? “E futa në dy thasë, që i kisha në kuzhinë”, u përgjigj Samsoni. Dalëngadalë, - thotë ai e përlotur, - po e kuptoja atë që kisha bërë dhe se ishte një problem më i madh se unë. Më pas m'u kujtua një frazë që gjyshi im tha para se të vdiste: "Për çdo gjë ka një zgjidhje, përveç vdekjeve".
"E fsheha brenda një valixhe"- "Kam kontrolluar nëse Ilaria ishte gjallë - vazhdon ai - por ajo ishte e vdekur, në dysheme, i vura një qese nga koka deri tek legeni, më pas mbeta aty i palëvizur dhe i traumatizuar nga ajo që kisha bërë. U ndjeva bosh. Më pas vendosa ta fsheh në një valixhe që e gjeta në dhomën e prindërve të mi.
Devijimi nëpërmjet chatit duke pretenduar të jetë Ilaria- Por kjo nuk është e gjitha. Samsoni dyshohet se ka devijuar hetimin përmes chat-it, duke u shtirur si Ilaria me miqtë e viktimës : “Sofi, nuk e di nëse do të bëj ndonjë budallallëk, por po shkoj në shtëpinë e një djali që e kam takuar në rrugë”, lexohet në bisedat e nxjerra nga hetuesit. Bisedat, mes një miku të Ilarias dhe Mark Samsonit, i cili kishte marrë identitetin e ish-të dashurës së tij, janë të datës 26 prill, pak pas vrasjes së studentit.
Një tjetër foto e djalit pa këmishë- Gjatë devijimit online të Samsonit, në pjesën e parë të bisedave, shoqja e Ilarisë duket se beson atë që tha personi që ajo mendonte se ishte Ilaria. Në një moment vajza shkruan “Kujdes”. Si përgjigje, Samsoni bashkangjit një foto të një djali pa këmishë. Samson, i cili pretendonte të ishte Ilaria Sula, shkroi sërish: “Jemi parë jashtë universitetit Sapienza dhe më pyeti nëse doja të dilja sot, rastësisht”./Versus.al
