Sot në hollin e Teatrit Kombëtar të Operasdhe Baletit u mbajtën homazhet për aktoren e njohur Margarita Xhepa e cila u nda nga jeta mëngjesin e djeshëm në moshën 91 vjeçare.
Të pranishëm për t’I dhënë lamtumirën e fundit aktores ikonë, ishin njerëz të botës së artit, kulturës, politikës, por edhe dhjetëra qytetarë të zakonshëm të cilët e admironin për rolet e saj në teatër dhe filma të ndryshëm.
I biri, aktori Ndriçim Xhepa foli për mediat ku zbuloi se e ëma e ndjerë kishte dëshirë të bënte edhe një film tjetër. Ndërsa tha se ndihet i kënaqur që mes të pranishmëve në homazhet për aktoren, ishin shumë qytetarë.
“Tek filmi, e kishte një dëshirë, një ëndërr se mund të bënte tjetër. Por them se e mbylli siç deshi Zoti, roli i fundit që e bëri me Spartak Pecani, ‘Bolero vilën e pleqve’ sikur përkoi edhe me jetën aqshtu siç erdhi edhe finalja e mbylljes së jetës së saj. Rëndësi ka mënya sesi kujtohetsot nga njerëz të fushave të ndryshme, por nga dhjetëra njerëz nga populli. Kjo është kënaqësia më e madhe që mund të marrin familjarët, por edhe ajo me shpirtin e saj që largohet nga kjo botë”- u shpreh aktori. Versus.al
