Ish kryebashkiaku i Vlorës Ermal Dredha është dekretuar sot nga Presidenti Bajram Begaj si Ambasador i Zvicrës dhe Principatës së Lihtenshteinit.
“Presidenti Begaj dekretoi sot emërimin e zotit Ermal Dredha në detyrën e Ambasadorit të Jashtëzakonshëm dhe Fuqiplotë të Republikës së Shqipërisë në Konfederatën e Zvicrës, rezident, dhe Ambasadorit të Jashtëzakonshëm dhe Fuqiplotë të Republikës së Shqipërisë në Principatën e Lihtenshteinit, jo rezident”, njoftoi presidenca.
Ermal Dredha do të marri detyrën e re pas drejtimit të bashkisë Vlorë për dy vite, korrik 2023-10 shtator 2025.
Gjithashtu nga viti 2016 deri në vitin 2023 Ermal Dredha ka shërbyer edhe si ambasador i Shqipërisë në Emiratet e Bashkuara Arabe.
Poll
