Prokuroria e Posaçme i ka mbyllur hetimet paraprake dhe ka nisur komunikimin e akuzave për dosjen e SASPAC, ndaj Ilir Beqajt lidhur me vjedhjen e fondeve të BE.
Ndaj Ilir Beqajt rëndon akuza e korrupsionit, fshehjes së pasurisë dhe mashtrimit dhe shkelje e barazisë në tendera.
Ilir Beqaj u arrestua në datë 4 korrik të vitit 2024 me urdhër të SPAK, në kuadër të hetimeve që po kryhen nga prokurorja Elida Kaçkini, për abuzimet me fondet e SASPAC.
Komunikimi i akuzave ka nisur dhe për personat e tjerë të përfshirë ndërsa SPAK ende nuk ka dhënë reagim zyrtar.
Mira Topçiu ish punonjëse e SASPAC që nuk ka patur masë më parë, sipas burimeve për Versus.al i është komunikuar akuzë, por ende nuk saktësohet vepra penale dhe nëse është kërkuar masë.Versus.al
