Spanjë- Dy shqiptarë janë arrestuar nga policia spanjolle në rajonin “La Corunja” teksa po përpiqeshin të udhëtonin me një nga avionët e linjës drejt Dublinit në Irlandë.
Gjatë kontrollit të bërë, u konstatua se pasaportat që mbanin në duar dy shqiptarët ishin të falsifikuar, kështu që ndaj tyre u ndërmor masa e arrestit për falsifikim dokumentesh.
“Të dy u përpoqën të merrnin një avion për në Dublin (Irlandë), duke përdorur pasaporta false, që kishin marrë, për t'u paraqitur si shtetas të Greqisë. Këto dokumente do t'i lejonin ata të lëviznin lirshëm në zonën Shengen pa asnjë lloj kufizimi, por agjentët zbuluan se ishin dokumentacion fals dhe vazhduan me arrestimin e tyre”, shkruajnë mediat e huaja.
Ndaj tyre po bëhen hetime për të gjetur nëse kanë qenë të përfshirë në veprimtari të mëparshme kriminale, ndërsa dyshohet se destinacioni i tyre final ishte Britania e Madhe. Versus.al
