AKTUALITET /

I shpallur në kërkim si bashkëpunëtor i Durim Bamit, arrestohet ish-efektivi i RENEA-s

Ish-oficeri akuzohet për kultivim kanabisi dhe pjesëmarrje në organizatë kriminale

Shkruar nga Versus
I shpallur në kërkim si bashkëpunëtor i Durim Bamit,
Altin Morina

Tiranë- Policia ka arrestuar mbrëmjen e djeshme ish-efektivin e RENEA-s Altin Morinën i cili ishte shpallur në kërkim për kultivim kanabisi në bashkëpunim me Durim Bamin gjatë periudhës 2019-2020.

Urdhri i arrestit për Morinën u lëshua në maj të vitit të kaluar në kuadër të operacionit “Revanshi” pas zbardhjes së përgjimeve mes grupeve kriminale. Ai do përballet me akuzat e kultivimit të drogës dhe pjesëmarrjes në organizatë kriminale.

Morina u arrestua në mars të vitit 2023, pasi në makinën me të cilën po lëvizte iu gjetën 113 mijë euro. 43-vjeçari, me detyrë Shef i Repartit të Stërvitjes tek Forcat RENEA, u prangos në zonën e Kodrës së Diellit, teksa lëvizte me këtë automjet luksoz. Shuma e konsiderueshme u gjet poshtë sediljes së parë e mbështjellë me një qese plasmasi.

Por një muaj më vonë, ai u lirua nga qelia pasi deklaroi se shumën e parave e kishte marrë hua te një biznesmen për një problem personal dhe se ato nuk ishin të krijuara nga aktiviteti kriminal. Versus.al

Poll
Më poshtë do të gjeni dhe kandidatët e Partisë Socialiste dhe Partisë Demokratike për të gjitha qarqet: