Prej orës 09:00 të mëngjesit deri rreth orës 18:00, në Gjykatën e Posaçme ka vazhduar seanca paraprake e dosjes së Sterilizimit, ku i pandehur është edhe ish-ministri i Shëndetësisë, Ilir Beqaj.
Ky i fundit është ankuar për kushtet e gjykatës, pasi nuk e lejojnë të ketë tavolinë, kompjuter e pa patur mundësi të ketë avokatin afër. Ai ka bërë krahasimin me kushtet në Gjykatën e Hagës, pasi tha se Hashim Thaçit i lejohet të përdorë kompjuterin dhe të ketë afër avokatin.
‘Hashim Thaci në sallë me kompjuter para, me tavoline dhe afër me avokatin. Ne këtu prapa xhamit, me shënime dore që flasim për tabela të studimit të fizibilitetit, pa tavolinë, pa kompjuter dhe pa patur mundësinë të kemi afër avokatin’, mësohet të jetë shprehur Beqaj.
SPAK e akuzon Ilir Beqajn për ‘shpërdorim detyre’ për çështjen e Sterilizimit, pasi u zbulua se ky koncesion me vlerë 100 milionë euro ishte aferë korruptive.
Të akuzuar janë edhe biznesmeni Ilir Rrapaj dhe ish-zv.ministri Klodjan rjepaj, të cilët janë të burgosur prej rreth 1 viti.
