Gjykata e Lartë ka rrëzuar rekursin e bërë nga Ajola Xoxa, bashkëshortja e kryebashkiakut të arrestuar, Erion Veliaj e cila kishte kërkuar heqjen e sekuestros të vendosur nga GJKKO ndaj vilës në Qerret.
SPAK dyshon se vila në Qerret e cila pretendohet nga Veliaj dhe Xoxa se u përket prindërve të kësaj të fundit, është “defacto” e kryebashkiakut të Tiranës. Dosja në të cilën Veliaj akuzohet për korrupsion në 9 raste të ndryshme dhe pastrim parash, përmban edhe dyshimet se vila mund të jetë një “ryshfet” i kpmpanisë “Agi Kons” të Gentian Sulës e cila ka fituar tendera të shumtë nga bashkia e Tiranës.
Kompania rezulton një prej sponsorve të qendrës “Harabeli” të Ajola Xoxës gjë që e ka çuar SPAK-un në dyshimin se kemi të bëjmë me një skemë të pastrimit të parave dhe përvetësiit të fondeve publike. Versus.al
