Policia e shtetit ka përgatitur një plan masash në kuadër të zhvillimit të konferencës së NATO-s për mbrojtjen kibernetike e cila mbahet nesër deri më 10 tetor.
Me qëllim mbarëvajtjen e aktivitetit dhe rendit publik, policia ka publikuar masat për bllokimin e plotë të disa prej zonave më të frekuentuara të kryeqytetit.
Rrugët ku ndalohet qarkullimi i automjeteve:
Bulevardi “Dëshmorët e Kombit”, nga semafori pranë Presidencës deri te sheshi “Nënë Tereza”, duke përfshirë edhe vetë sheshin;
Rruga “Gjergj Filipi”;
Aksi që lidh hotelin “Marriott” me bulevardin “Dëshmorët e Kombit”.
Ndërkohë, për këmbësorët do të jetë i mbyllur trotuari nga hyrja e hotelit “Rogner” deri te Pallati i Kongreseve, gjatë gjithë kohëzgjatjes së konferencës.
Kufizimet do të jenë në fuqi nga ora 07:00 e datës 9 tetor deri në ora 15:00 të datës 10 tetor 2025. Versus.al
