Risena Xhaja do të jetë kryeadministratorja e re e Agjencisë së Pasurive të Sekuestruara dhe Konfiskura (AAPSK).
Prezantimi i saj është bërë nga ministri i brendshëm Ervin Hoxha, i cili është shprehur se Xhaja ka një përvojë të gjatë në administratë.
Hoxha ka shtuar më tej se 'me emërimin e Kryeadministratores së re, kërkojmë që kjo punë e mirë e deritanishme të ngrihet në një nivel edhe më të lartë veprimi, me ritme të reja dhe më të shpejta.'
Statusi i plotë i Ervin Hoxhës:
Sot e nisëm ditën me prezantimin e Kryeadministratores së re të Agjencisë për Pasuritë e Sekuestruara dhe të Konfiskuara (AAPSK), Risena Xhaja, e cila vjen nga një përvojë e gjatë në administratë.
Vlerësova punën e z. dimujore Idriz Haxhiaj, nën drejtimin e AAPSK-së, si kryeadministrator i komanduar. Disa nga rezultatet e dy viteve të fundit, me shifra që herë pas here e kalojnë edhe dyfishimin, dëshmojnë për seriozitetin e punës së bërë deri më sot.
Tashmë, me emërimin e Kryeadministratores së re, kërkojmë që kjo punë e mirë e deritanishme të ngrihet në një nivel edhe më të lartë veprimi, me ritme të reja dhe më të shpejta.
Agjencia është një mekanizëm jashtëzakonisht i rëndësishëm për luftën kundër krimit, nëpërmjet keqmenaxhimit të të ardhurave të paligjshme, si goditja e krimit të organizuar në pikën më nervore, që është paraja.
Si Ministër i Brendshëm, sigurova kryeadministratoren se për çdo problem të ngritur apo të dalë, ajo do të ketë mbështetjen e plotë.
Ndërkohë, dua të informoj publikun se është në finalizim dhe nismat ligjore për rikuperimin e aseteve do të dërgohen për miratim.
Zyra e Rikuperimit të Pasurive (ZRA) është projektuar si një njësi proaktive pranë Policisë, sipas modelit të disa vendeve evropiane. Kjo njësi, ndryshe nga AAPSK, do të përdorë inteligjencën policore për të gjurmuar paratë ose pasurinë me burim të dyshimtë./Versus.al
