Margarita Xhepa, një prej aktoreve më të mëdha të teatrit dhe filmit shqiptar, është ndarë nga jeta në moshën 91 vjeçare.
Lajmi i trishtë tronditi opinionin publik pasi aktorja dje festoi ditëlindjen dhe mbushi plot 91 vjeç. Mësohet se shkak për ndarjen e saj nga jeta u bë një sëmundje në mushkëri.
Aktorja u lind më 2 prill të vitit 1934, në qytetin e Lushnjës, prej ku nisi edhe hapat e parë drejt karrierës së saj.
Gjatë karrierës së saj, aktorja e madhe Margarita Xhepa ka krijuar mbi 150 role në teatër dhe 30 në kinematografi.
Veç suksesit me veprat e shumta të dramaturgëve shqiptarë, Margarita Xhepa ka korrur sukses edhe në rolet e dramaturgjisë botërore si, Ofelia tek “Hamleti”, vajza e dytë tek “Mbreti Lir”, dadoja tek “Romeo e Zhuljeta”, mbretëresha Margaret tek “Rikardi III”, etj.
Homazhet do të mbahen nesër në Teatrin Kombëtar të Operas dhe Baletit nga ora 10:00 deri në 13:00. Versus.al
