Pala greke në doganën e Kakavijës ka lajmëruar për ditën e nesërme ngritjen në grevë urie, duke bllokuar kështu totalisht fuksionimin e kalimit të kufirit nga Shqipëria drejt Greqisë e anasjelltas.
Me efekt të drejtpërdrejtë në kryqëzimet kufitare, nesër, nga ora 08:00 deri në 24:00 (me orën greke), dogana greke do të operojë me grevë.
Sipas burimeve të fundit, përveç ambulancave dhe makinave funerale, asnjë mjet transporti nuk do të ketë leje kalimi. Në këto kushte, ndërsa mjetet mbeten të bllokuara, qytetarët që ecin në këmbë do të kenë mundësi të kalojnë.
Greva e palës greke në pikën kufitare të Kakavijës pritet të sjelli trafik të madh për qarkullimin e mjeteve në lëvizje, por edhe problem për operatorët ekonomikë që kërkojnë të lëvizin përtej kufirit për punën e tyre dhe bllokim për mallrat e tyre.
