Një tjetër ngjarje e rëndë është regjistuar në gjimnazin ‘Siri Shapllo’ në Gjirokastër.
Në rrethana të paqarta nxënësi i vitit të 2-të I identifikuar si A. M. 16 vjeç, papritur ka hapur dritaren e klasës dhe është hedhur në oborrin e shkollës.
Sipas asaj që raportohet në media, nga dëshmia e 3 shokëve të klasës mësohet se 16-vjeçari është hedhur nga dritarja pas një basti të vendosur me shokët e tij me 10 mijë lekë të vjetra.
16-vjeçari është dërguar në spital për ndihmë mjekësore pasi nga hedhja ka pësuar disa lëndime, ndërsa policia ka nisur hetimet për zbardhjen e plotë të rrethanave të rastit.
Kujtojmë që ngjarje të rënda janë regjistruar pak më parë në këtë gjimnaz. Në tre muajt e fundit dy nxënës të gjimnazit “Siri Shapllo”, Irsa Muçollari dhe Veip Peçi i kanë dhënë fund jetës, ndërsa shkaqet vijojnë të mbeten të pazbardhura. /Versus.al
