Një strategji e paramenduar për të mashtruar hetimin: sjellja e Mark Samson duket të jetë e qartë dhe e ndërgjegjshme.
Pas vrasjes së ish të dashurës, ai mori celularin e Ilarias, të cilit i dinte të gjitha kodet e aksesit dhe dhe dërgonte mesazhe sikur të ishte ajo.
Madje 23 vjeçari kishte postuar dhe një histori në Instagram duke thënë se është mirë , se nuk është zhdukur.
Nga telefoni i Ilarias, Samson u shkroi shoqeve të dhomës të saj se kishte shkuar për një udhëtim në Napoli ndërsa prindërve të saj që nuk do t'i vizitonte këtë muaj pasi i duhej të studionte.
Të gjithë e kishin vënë re se nuk ishte ajo që shkruante. Por djaloshi që po përpiqej të largonte dyshimet nga vetja, tashmë po vëzhgohej nga policia, të cilës i përgjohej telefoni.
Dhe ishte telefoni i Sulës, që do ta tradhtonte Samson pasi gjurmët e tij të dërgonin në shtëpinë e 23 vjeccarit.
Çfarë ka ndodhur saktësisht është ende e paqartë.
Samsoni, i pyetur nga prokurori, nuk ka dashur të japë ndonjë shpjegim të veçantë, duke preferuar të fshihet pas heshtjes sesa të hedhë dritë mbi atë që ka ndodhur.
Dimë vetëm se në mbrëmjen e 25 marsit, Ilaria Sula doli nga shtëpia me tuta, duke mos marrë asgjë me vete për të qëndruar jashtë shenjë se ajo synonte të kthehej së shpejti dhe shkoi në shtëpinë e Samsonit .
Këtu, teksa prindërit e tij ishin në shtëpi, ai e vrau duke e goditur vazhdimisht me thikë.
Nëna dhe babai i Samson nuk janë nën hetim. Ata janë shprehur para hetuesve se nuk kanë kuptuar asgjë, por pozicioni i tyre po shqyrtohet nga prokuroria./Versus.al
