Ditën e sotme në presidencë është hedhur shorti për zgjedhjen e 9 anëtarëve të Këshillit të Emërimeve në Drejtësi për vitin 2025.
Kryetar i institucionit KED, është zgjedhur Sokol Sadushi, aktualisht kryetar i Gjykatës së Lartë. Sipas ligjit kryetari i KED është anëtari përfaqësues i Gjykatës së Lartë, ex officio.
Ndërsa pas hedhjes së shortit, anëtarët janë caktuar si më poshtë:
Anëtarë nga Gjykata Kushtetuese: Marjana Semini dhe Ilir Toska, zëvendësues Marsida Xhaferllari
Anëtar nga Gjykata e Lartë: Sokol Sadushi, njëkohësisht edhe kryetar i këshillit, zëvendësues do jetë Medi Bici
Anëtarë nga Prokuroria e Përgjithshme: Alma Muça, zëvendësues Thoma Jano
Anëtarë nga Gjykata e Apelit: Fuat Vjerdha dhe Enkela Vlora, zëvendësuese Elvana Çiçolli
Anëtarë nga Prokuroria e Apelit: Irma Balli e Etjen Kapo, zëvendësues Genti Xholi
Anëtar nga Gjykata Administrative: Nafije Hasko, zëvendësues Bezart Kaçkini.
KED është organ kolegjial i përbërë nga 9 anëtarë me mandat 1 vjeçar dhe ka si kompetencë vlerësimin e kritereve profesionale dhe morale të kandidatëve për Inspektor të Lartë të Drejtësisë dhe kandidatëve për të qenë anëtarë të Gjykatës Kushtetuese. I pranishëm ishte edhe presidenti Bajram Begaj. Versus.al
