Kryetarja e Kuvendit, Elisa Spiropali, ka nënshkruar një tender për blerjen e automjeteve zyrtare të Kuvendit, vetëm pak para fillimit të legjislaturës së re. Tenderi, i titulluar “BLERJE AUTOVETURA”, kishte një fond limit prej 13.033.335 lekësh pa TVSH dhe u firmos më 7 korrik 2025, ndërsa u publikua nga Agjencia e Prokurimit Publik më 11 gusht 2025.
Sipas dokumenteve të tenderit, kompania “Mektrin Motors” sh.p.k ofroi çmimin më të ulët, 11.250.000 lekë pa TVSH, por u skualifikua nga komisioni i prokurimit. Edhe “Porsche Albania” sh.p.k, me ofertën prej 11.800.000 lekësh pa TVSH, u përjashtua, duke lënë jashtë konkurrencës ofertat më të lira.
Në fund, fituese e tenderit u shpall kompania “Albania Motor Company” sh.p.k, e vëllezërve Dulaku, me ofertën 12.900.000 lekë pa TVSH, rreth 1 milion lekë më e lartë se fondi limit dhe dukshëm më e shtrenjtë se ofertat e skualifikuara.
