Në Gjykatën e Posaçme u mbajt sot seanca paraprake për dosjen në ngarkim të kryebashkiakut të arrestuar, Erion Veliaj dhe personave të tjerë të marrë të pandehur së bashku me të dhe bashkëshorten e tij Ajola Xoxa.
I pranishëm në seancë ishte edhe vetë Veliaj i cili kërkoi përjashtimin e gjyqtares Etleva Deda me pretendimin se nuk i dha të drejtën të mbrohej efektivisht duke e mbajtur në kafazin prej xhami.
Ndërsa avokatja e caktuar kryesisht, Valentina Teodoresku u shpreh se taksia e kishte pritur vetëm një orë në Durrës teksa vizitonte klientin e saj Veliaj dhe ndaj nuk kishte patur mundësi të njihej me aktet hetimore. Me këtë argumentim, ajo kërkoi që seanca të shtyhej, por GJKKO e rrëzoi.
Gjyqtarja Deda kaloi në konkluzionet përfundimtare duke e cilësuar si të ezauruar fazën e mbrojtjes. Versus.al
