SPAK i kërkon dhe njëherë bashkëpunimin Belgjikës dhe Francës për çështjen Toyota Yaris.
Porkuroria e Posaçme i ka dërguar me letërporosi kode të tjera të SKYECC si dhe të dhëna shtesë për këtë dosje dy shteteve të përmendura më sipër.
Sipas burimeve, SPAK kërkon identifikimin e tyre pas hetimeve ku dyshohen se janë të implikuar edhe funksionarë dhe ish-funksionarë të drejtësisë.
Kjo kërkesë vjen një javë pas arrestimit të ish-kryeprokurorit të Vlorës, Aurel Zarkës i cili ndodhet në burg prej më shuëm se një jave.
Zarka u arrestuar nga SPAK pas zbërthimit të bisedave në SKYECC dhe ndaj tij rëndojnë 3 akuza:
“Ushtrimi i ndikimit të paligjshëm ndaj personave që ushtrojnë funksione publike”, e kryer tre herë, e kryer në bashkëpunim dy herë, “Korrupsioni aktiv i gjyqtarit, prokurorit dhe i funksionarëve të tjerë të drejtësisë”, e kryer në bashkëpunim (iii)“Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë”.
