Zjarrfikësit duke nxjerrë nga automjeti viktimën dhe vendi ku ndodhi aksidenti i rëndë
Durrës- Një aksident i rëndë ka ndodhur mbrëmjen e djeshme rreth orës 22:15 në lagjen nr.4 ku automjeti tip "BMW X5" me drejtues A.Xh, 26 vjeç ra nga mbikalimi i Urës së Dajlanit.
Për pasojë, ka ndërruar jetë pasagjerja 18 vjeçare V.G e cila nuk mundi t’u mbijetonte plagëve të rënda. Ndërsa kanë mbetur të plagosur shoferi 26 vjeçar si dhe dy qytetarë që po kalonin rrugën në momentin kur makina ra nga ura.
Të tre ndodhen në spital dhe po marrin ndihmën e nevojshme mjekësore.
Nuk dihen ende shkaqet e aksidentit, por në këtë aks rrugor mungon ndriçimi pavarësisht se është një ndër zonat kryesore të Durrësit. Grupi hetimor ndodhet në vendngjarje dhe po punon për sqarimin e plotë të rrethanave dhe shkaqeve të aksidentit. Versus.al
Poll
