Prokuroria e Posaçme kundër Korrupsionit dhe Krimit të Organizuar vendosi nën sekuestro llogaritë bankare dhe pasuritë e ish-ministrit të Shëndetësisë Ilir Beqaj si dhe individëve të dyshuar bashkëpunëtore në abuzimin me fondet e BE-së: Gazmend Haxhia, Elton Martini, Ermal Kurtulaj, Bjona Ziaj, Bledar Leka.
Ndër pasuritë e sekuestruar nga SPAK ishin dhe 19.4% të kuotave të shoqërisë tregtare “Albanian Food and Hospitality Services” sh.p.k.
Shoqëria 'Albania Food and Hospitality' e cila ka dhe në pronësi lokalin 'Gzona' tek pedonalja në qëndër të kryeqytetit u themeluar në vitin 2019, ku 50% të kuotave figuronin nën emrin e bashkëshortes së Ilir Beqajt, Adriana Beqaj.
Por në mars 2019, Adriana Beqaj i fali 35% të aksioneve ortakut të saj Malaj dhe në janar 2020 i shiti atij edhe 15% të aksioneve të mbetura.
Në vitin 2022, kompania u shit tek Eduard Curraj, administrator i një distributori të madh farmaceutik, Delta Pharma.
Megjithëse se Beqaj i dhuroi dhe i shiti aksionet e saj në kompaninë “Albanian Food and Hospitality Lab” në bazë të përgjimeve nga Porkuroria në dhjetor 2023 u ngriten dyshime se ish-ministri Beqaj vazhdonte të kishte interesa pasurore në restorantin ‘Gzona’.
Në këto përgjigjme Beqaj përdorte telefonin e shoferit të tij Arben Dani për të komunikuar me vartësin e tij Ermal Kurtulaj për t'u lidhur me administratorin e restorantit Gazmend Prengaj.
Ermal Kurtulaj i cilësuar si krahu i djathtë i ish-ministrit interesohej vazhdimisht për mbarëvajtjen e këtij restoranti, duke vepruar dhe si epror ndaj administratorit të restorantit, Gazmend Prenga.
Dhe në ditët e fundit të dhjetorit, nga përgjimet e SPAK kanë rezultuar disa komunikime ndërmjet tyre në lidhje me rakordimet ndërmjet investimeve të kryera mbi këtë restorant përgjatë vitit dhe me faturat e lëshuara për atë./Versus.al
