Spanjë- Detaje të reja janë publikuar lidhur me operacionin e zhvilluar ditë më parë në Vilanova de Arousa ku u kapën 1.1 ton kokainë e ardhur nga Amerika e Jugut, ndërsa u arrestuan edhe 7 shqiptarë të cilësuar si anëtarë të grupit kriminal që merrej me trafikun e drogës.
Mediat spanjolle bëjnë me dije se hetimi kishte nisur që në nëntor të vitit të kaluar, kur policia kishte rënë në gjurmë të shqiptarëve të cilët lëviznin krejt lirshëm në rajonin ku prisnin kokainën e më pas e transportonin në shtete të ndryshme.
Në artikullin e publikuar tentativa e shqiptarëve për ta transportuar drogën me një varkë të thjeshtë u quajt edhe “udhëtimi vetëvrasës” për shkak se u deshën 2 javë në det për të zbarkuar në portin ku më pas u kap ngarkesa me drogë. Versus.al
