Nuk është foto arkiv nga kampi i përqëndrimit nazist Aushvic! Këto janë imazhet e tmerrshme tregojnë ukrainasin, Roman Gorylyk, i cili së fundi është liruar pas dy vjet qëndrimi në qelitë ruse si rob i luftës.
Roman dhe 74 të burgosur të tjerë u kthyen nga dhomat e torturës ruse më 31 maj si pjesë e shkëmbimit të të burgosurve të luftës, megjithëse ai nuk mori pjesë në luftë.
Roman Gorylyk ishte një kontrollues i lartë i pikës së kontrollit në termocentralin bërthamor të Çernobilit. Ai në fotografitë e publikuara në rrjetet sociale shihet tejet i dobësuar, në kuptimin e parë të fjalës “kockë e lëkurë”.
Gorylyk dhe 168 gardistët e tjerë që ruanin termocentralin e Çornobilit u morën peng nga rusët dhe përmes Bjellorusisë u dërguan në një burg të Rusisë.
89 prej tyre ende mbahen rob dhe Kremlini po i përdor për t’i shkëmbyer me ushtarët rusë të kapur në beteja.
