Dy vajza humbën jetën pasi një 17-vjeçare u hodh nga maja e një qendre tregtare dhe goditi për vdekje një kalimtare në rrugë, raporton BBC .
Studentja 17-vjeçare u hodh nga kati i dymbëdhjetë i ndërtesës në këtë lagje të ngjeshur tregtare dhe u përplas me një grua 32-vjeçare, e cila ishte jashtë me tre miq mbrëmjen të shtunën, sipas informacioneve nga Japan Times. Dy gratë, të cilat fillimisht mbeten të plagosura përpara stacionit të Yokohama, u transportuan menjëherë në spital. 17 vjeçarja humbi jetën një orë pasi u hodh, kurse 32-vjeçarja pak më vonë.
Nuk është zbuluar asnjë informacion se përse kjo adoleshente i ka marrë jetën vetes , edhe pse më 1 shtator, pak para fillimit të vitit shkollor. Sipas statistikave zyrtare, gjithnjë e më shumë njerëz nën moshën 18 vjeç kryejnë vetëvrasje vit pas viti në Japoni
Vitin e kaluar, rreth 513 fëmijë kryen vetëvrasje në Japoni, me "problemet shkollore" të përmendura si shkaku më i zakonshëm. Në Japoni, studentët që nuk duan të kthehen në shkollë quhen "futoko". Sipas një sondazhi të Ministrisë së Arsimit, arsyet kryesore pse këta “futoko” shmangin shkollën janë rrethanat familjare, problemet personale me miqtë dhe bullizmi.
Kjo ngjarje të kujton një tragjedi të ndodhur në Osaka në vitin 2021, kur një djalë 17-vjeçar u hodh nga çatia e një qendre tregtare dhe vrau një student 19-vjeçar që ndodhej poshtë. Djali u akuzua pas vdekjes për vrasje nga pakujdesia, që do të thotë se familja e tij i detyrohej dëmshpërblimit familjes së viktimës, por akuza u hoq menjëherë pas.
