Fëmijët e elitës qeverisëse të Iranit jetojnë një jetë luksoze dhe të pakufizuar, ndërsa mijëra qytetarë të zakonshëm humbin jetën për shkak të pjesëmarrjes në protestat kundër regjimit dhe varfërisë ekstreme.
Në rrjetet sociale shihen të rinj që përfitojnë nga pushteti i prindërve të tyre – ministra, klerikë dhe shefa sigurie – duke ekspozuar, jahtë privatë, aeroplanë privatë dhe veshje luksoze, ndërkohë që qytetarët ballafaqohen me represion të dhunshëm, me të paktën 5.000 viktima sipas autoriteteve iraniane dhe rreth 16.500 sipas organizatave të pavarura.
Fëmijët e lartëpërmendur të elitës, të cilët përfitojnë nga korrupsioni, pushteti politik dhe pasuria e fituar nga shmangia e sanksioneve.
Shumë prej tyre jetojnë jashtë vendit dhe menaxhojnë biznese që tejkalojnë kapacitetin ekonomik të Iranit, ndërsa familjarë të figurave të larta si lideri suprem Ali Khamenei dhe të ish-presidentëve jetojnë në Britani, Francë, Kanada dhe Austri.
Gjatë trazirave të fundit, shumë nga këta të rinj u zhvendosën në Turqi për t’u argëtuar larg dhunës në Iran, duke treguar një kontrast të qartë me vështirësitë e qytetarëve të zakonshëm.
Edhe me sanksionet perëndimore që kanë goditur ekonominë e vendit, mënyra e jetesës së elitës mbetet pothuajse e paprekur, veçanërisht në zonat e pasura të veriut të Teheranit, ku rrugët dhe kafenetë luksoze duken si “Beverly Hills-i iranian”.
