Komiteti Mbikëqyrës i Dhomës së Përfaqësuesve, i udhëhequr nga republikani James Comer, ka ndërmarrë një hap të fortë hetimor duke thirrur në gjyq figura të larta politike dhe ish-zyrtarë të administratës amerikane, përfshirë Bill dhe Hillary Clinton si dhe ish-drejtorin e FBI-së James Comey.
Komiteti ka kërkuar gjithashtu nga Departamenti i Drejtësisë (DoJ) të dorëzojë të gjitha dokumentet lidhur me çështjen Jeffrey Epstein deri më 19 gusht. Kjo përfshin edhe dosje të ndjeshme dhe të pa publikuara më parë, pas deklaratës së fundit të DoJ se nuk ekziston një “listë klientësh” dhe se vdekja e Epstein ishte vetëvrasje – një pretendim që ka ngjallur dyshime të mëdha në opinionin publik.
Në listën e personave që komiteti kërkon të dëshmojnë përfshihen:
Ish-prokurorët e përgjithshëm Loretta Lynch, Eric Holder, Merrick Garland, William Barr, Jeff Sessions dhe Alberto Gonzalez
Ish-drejtori i FBI-së Robert Mueller
Sipas burimeve nga Axios, ky veprim shihet si një sfidë e hapur ndaj udhëheqjes republikane në Kongres, duke intensifikuar presionin për transparencë dhe hetime të thelluara mbi lidhjet e mundshme politike me rastin Epstein.
Mbështetësit e ish-Presidentit Trump kanë reaguar fuqishëm, duke kërkuar zbulime të reja dhe hetime më të gjera. Madje edhe figura republikane si Nancy Mace, Scott Perry, dhe Brian Jack kanë mbështetur kërkesat për hetim, duke i dhënë çështjes një dimension dypartiak. /Versus.al
