BOTA /

Fotoja e Google Maps zbardh krimin, vrasësi po ngarkonte trupin e viktimës në makinën e tij

Shkruar nga Versus

Fotoja e Google Maps zbardh krimin, vrasësi po ngarkonte trupin e

Një foto tronditëse nga ‘Google Street View’ ka çuar në zbulimin e një vrasje në provincën e Sorias, në Spanjë.

Imazhi tronditës që tregon një burrë duke ngarkuar në mes të ditës në bagazhin e një makine ‘Rover’ me ngjyrë të kuqe, një trup të pajetë, u kthye në një nga të dhënat të cilën policia e shfrytëzoi për të zgjidhur ngjarjen kriminale që kishte ndodhur në fshatin Andaluz.

Policët zbuluan falë kësaj fotoje mbetje njerëzore të prera, të groposura në varrezën e fshatit Andaluz, të cilat i përkasin një 33-vjeçari kuban, që u zhduk nëntorin e kaluar. Një çift është arrestuar pasi dyshohet se kanë kryer vrasjen e tij. Të arrestuarit janë gruaja e kubanit dhe ishi dashuri i saj.

Imazhi i Google dhe përgjimet e telefonit të urdhëruara nga gjykata janë përshkruar si ‘vendimtare’ nga shtypi lokal që mbulon gjetjen e tmerrshme në fshatin e vogël Andaluz, në provincën veriore spanjolle të Sorias.

Raportet lokale tregojnë se viktima u vra pasi fluturoi për në Spanjë dhe zbuloi se gruaja e tij kubane e kishte tradhtuar. Spanjolli që akuzohet për vrasje është pronar i një bari që quhet ‘Ujku i Tayueco’ dhe ndodhet në fshatin e vogël me 56 banorë, që është 15 minuta larg me makinë nga varrezat ku u shkrep fotografia e Google.

Viktima u raportua i zhdukur në nëntor të vitit të kaluar nga një i afërm, i cili kishte filluar të dyshonte për mesazhet që kishte marrë nga viktima. Mesazhet që mori familja e të zhdukurit thoshin se ai takoi një vajzë me të cilën kishte vendosur të niste një jetë të re. Ai u kërkonte po ashtu që të mos e kontaktoinin pasi do e hidhte telefonin e tij. Kjo e bëri të afërmin të dyshonte se dikush tjetër po i dërgonte mesazhet dhe vendosi të lajmëronte policinë.

Kjo nuk është hera e parë që një aktivitet kriminal kapet përmes Google Maps. I arratisuri i mafias italiane Gioacchino Gammino u kap pas 20 vitesh në arrati me ndihmën e Google Maps, pasi u fotografua jashtë një dyqani ushqimor në qytetin Galapagar në veri të Madridit.

Poll
Më poshtë do të gjeni dhe kandidatët e Partisë Socialiste dhe Partisë Demokratike për të gjitha qarqet: