Një ditë pas vizitës së ministrit të Brendshëm të Kosovës, Xhelal Svelça në Shkup, nga Maqedonia e Veriut vjen lajmi për lirimin me kusht të ish-ushtarit të UCK-së Blerim Ramadani.
Ai ishte arrestuar nga policia e Maqedonisë së Veriut në pikëkalimin kufitar të Jazhnicës, me kërkesë të Interpolit të Serbisë dhe i ishte caktuar masa e 30 ditëve paraburgim.
Kryetari i Organizatës së Veteranëve të Luftës së UÇK, Faton Klinaku ka bërë të ditur për mediat në Kosovë, se ishte informuar, se Ramadani ishte liruar me kusht nga paraburgimi.
Një ditë më herët, ministri Sveçla tha pas takimit me homologun e tij në Shkup, Pançe Toshkovski se nuk duhet të lejohet që vendet e treta të vështirësojnë qarkullimin e lirë të qytetarëve.
Kërkesën e Serbisë për ekstradimin e ish luftëtarit të UÇK, ai e cilësoi si kriminale.
“Nuk do të lejojmë që kërkesat kriminale të një vendi të tretë, të cilat nuk kanë asnjë bazë ligjore, të pengojnë lëvizjen e lirë të qytetarëve tanë.”
Me vendim të gjykatësit të procedurës paraprake, Ramadani do të qëndrojë në arrest shtëpie e deri më 16 gusht, kur pritet të përfundojnë procedurat e mëtejshme.
Gjykata e Posaçme kundër Korrupsionit dhe Krimit të Organizuar ka lënë në fuqi masën e sigurisë “arrest në burg” për tre nga të arrestuarit në kuadër të megaoperacionit të SPAK për goditjen e trafikut ndërkombëtar të drogës dhe pastrimit të parave.
Në seancën për vlerësimin e masave të sigurisë, gjykata vendosi të mbajë në burg Orest Sotën, Orgest Birçajn dhe Dritan Agën. Ndërkohë, për Gëzim Islamin u vendos lirimi për arsye shëndetësore kundrejt një garancie pasurore prej 100 mijë eurosh.
Katër të arrestuarit dolën para Gjykatës së Posaçme këtë të shtunë, ndërsa seanca nisi në orën 09:00. Procesi u ndërpre për rreth dy orë pas kërkesës së avokatëve mbrojtës, të cilët kërkuan kohë për t’u njohur me aktet hetimore të dosjes.
Pas rifillimit të gjykimit, trupa gjykuese shqyrtoi kërkesat e palëve dhe vendosi masat e sigurisë për secilin prej të dyshuarve.
Në sallëne gjyqit ishin të pranishëm kreu i SPAK, Altin Dumani, prokurorja Elida Kaçkini dhe gjyqtarja Flojera Davidhi.
Megaoperacioni i SPAK ka në fokus goditjen e grupeve të përfshira në trafikun ndërkombëtar të narkotikëve dhe skemat e dyshuara të pastrimit të parave përmes investimeve në sektorin e ndërtimit. Hetimet për këtë çështje vijojnë.Versus.al
