Organizata Botërore e Shëndetësisë ka shpallur gjendjen e jashtëzakonshme shëndetësore ndërkombëtare pas rritjes së madhe të rasteve në Afrikë të lisë së majmunit.
Njoftimi u bë nga Drejtori i Përgjithshëm i OBSH-së, Tedros Ghebreyesus, i cili shpjegoi:
"Komiteti i urgjencës u mblodh dhe më informoi se situata përbën një emergjencë të shëndetit publik me shqetësim ndërkombëtar. Unë e pranova këtë këshillë".
Një emergjencë shëndetësore me shqetësim ndërkombëtar është niveli më i lartë i alarmit që mund të shpallë OBSH.
Çfarë është lija e majmunit?
Lija e majmunit është një virus që e ka origjinën tek kafshët e egra, si brejtësit dhe primatët, dhe që ndonjëherë kalon edhe tek njerëzit. I përket të njëjtës familje virusësh të lisë.
Shumica e pacientëve të infektuar me linë e majmunit kanë vetëm temperaturë, dhimbje në trup, ethe dhe lodhje.
Njerëzit e sëmurur më rëndë mund të kenë irritim të lëkurës në fytyrë dhe duar që mund të përhapet në pjesë të tjera të trupit.
