Presidenti ukrainas, Volodymyr Zelensky pas mbërritjes në Irlandë të shtunën, 13 qershor, u pyet nga gazetarët se çfarë mendonte për gafën e Bidenit.
Zelensky u shpreh se SHBA ka dhënë shumë mbështetje për ukrainiasit dhe prandaj mund të harrohen disa gabime.
‘Ishte një gabim. Shtetet e Bashkuara dhanë shumë mbështetje për ukrainasit - ne mund të harrojmë disa gabime.’ u shpreh Zelensky para gazetarëve.
“Zonja dhe zotërinj, president Putin”, tha Joe Biden të enjten kur prezantoi Zelensky përpara një fjalimi në samitin e NATO-s në Uashington.
Ndërsa demokrati 81-vjeçar e korrigjoi veten shpejt, gafa ka nxitur më shumë spekulime për aftësinë e tij për postin përpara zgjedhjeve presidenciale të SHBA-së në nëntor, ku me dhjetëra aleatë të tij kërkojnë që Biden të tërhiqet në favor të një kandidati më të ri.
Rivali i tij, sfiduesi republikan Donald Trump, nuk ka humbur kohë duke u tallur me gabimin.
Duke u takuar me kryeministrin irlandez Simon Harris pas uljes në kontenë Clare, Zelenskyy falënderoi Irlandën "për pritjen e shumë refugjatëve ukrainas - ju ishit me ne që nga fillimi i pushtimit rus".
Sipas Guardian, udhëheqësi ukrainas do të udhëtojë në Britaninë e Madhe javën e ardhshme për t'u bashkuar me homologët aleatë në një takim të Komunitetit Politik Evropian të enjten.
Zelenskyy ka kërkuar mbështetjen e vendeve perëndimore mes një fushate të ashpër bombardimi ruse dhe ofensivës tokësore që ka shkaktuar dëme në të gjithë vendin e tij dhe thuhet se ka shënuar periudhën më të përgjakshme të luftës për trupat e vetë Moskës./Versus
