Presidenti gjerman Frank-Walter Steinmeier njoftoi sot shpërndarjen e parlamentit, duke i hapur zyrtarisht rrugën zgjedhjeve të parakohshme parlamentare në Gjermani më 23 shkurt, pas rënies së qeverisë së kancelarit Olaf Scholz.
Steinmeier tha sot se stabiliteti politik është një pasuri e çmuar e Gjermanisë, duke e karakterizuar shpërndarjen e Bundestagut dhe shpalljen e zgjedhjeve të parakohshme si përjashtim nga rregulli.
“Por veçanërisht në kohë të vështira, si tani, stabiliteti kërkon një qeveri të aftë për të ndërmarrë veprime dhe një shumicë të besueshme në parlament”, theksoi presidenti gjerman.
Qeveria nën socialdemokratin Solz humbi besimin e parlamentit më parë në dhjetor, pasi Demokratët e Lirë (FDP) të Ministrit të Financave Christian Lindner u larguan nga koalicioni qeverisës.
Pas votimit të besimit, fushata zgjedhore e Gjermanisë ka filluar në mënyrë efektive, me kreun e Kristian Demokratëve (CDU) Friedrich Merz, i cili shihet si favoriti për të qenë kancelari i ri, duke akuzuar qeverinë në largim për imponimin e shumë rregullave rregullatore dhe kufizimin e rritjes.
Sipas sondazheve të opinionit, konservatorët CDU/CSU mbajnë një epërsi prej më shumë se 10 pikësh ndaj Partisë Social Demokrate (SPD). Partia e ekstremit të djathtë Alternativa për Gjermaninë (AfD) gjithashtu shfaqet përpara SPD-së, ndërsa të Gjelbërit janë në vendin e katërt./Versus.al
